សារាយ សក្ខណា បាត់ឱកាសជាតួឯក ភ្នំពេញ: សារ៉ាយ សក្ខណា ដែលកំពុងឈរលើកំពូលតារាង នៃលំដាប់អ្នកសម្តែង និងបង្ហាញម៉ូដ ហើយក៏កំពុងតែមមាញឹកជាមួយការងារក្នុងស្រុកនោះ ឥឡូវត្រូវផ្អាកមួយរយៈសិន ព្រោះតារារូបនេះ នឹងឆ្លងទ្វីបទៅសម្តែង និងច្រៀងនៅអាមេរិក ដើម្បីបម្រើអារម្មណ៍បងប្អូនខ្មែរ ដែលរស់នៅឯនាយសមុទ្របានទស្សនា ក្នុងកំឡុងពេលចូលឆ្នាំថ្មីប្រពៃណីយខែ្មរខាងមុខ។
ការបង្ហូរ ទឹកភ្នែក និងកាយវិការដ៏រស់រវ៉ើក ភាពប៉ិនប្រសព្វរបស់តារាស្រីសម្បុរស្រអែមស្រស់ សារាយ សក្ខណា បានធ្វើឲ្យទស្សនិកជនទាំងក្មេង ទាំងចាស់ ក៏ដូចជា ទាំងក្នុងស្រុក និងទាំងក្រៅស្រុក តែងតែចង់ឃើញពីភាពប៉ិនប្រសព្វរបស់តារារូបនេះ។
មួយរយៈនេះ សារាយ សក្ខណា រវល់ស្ទើរតែរកពេលសម្រាកគ្មាន នាងបានបដិសេធការអញ្ជើញរបស់ផលិតកម្មមួយចំនួនដែរ ព្រោះតែនាងបានសម្ភាសន៍ជាប់ទៅអាមេរិក ដើម្បីសម្តែង និងច្រៀងក្នុងឱកាសបុណ្យចូលឆ្នាំខាងមុខនេះ។ |
No comments:
Post a Comment