| កែភេទ ពីប្រុស ជាស្រី ចំណាយ ៨.០០០ ដុល្លារ | |
| Monday, March 26, 2012 | |
| By Mr. Chenda | |
 កែភេទ ពីប្រុស ជាស្រី ចំណាយ ៨.០០០ ដុល្លារ ភ្នំពេញ: បើគ្រាន់តែឃើញភាពស្រស់ស្អាត ស្លៀកពាក់បែបស៊ិចស៊ីមើលទៅដូចជា ស្ដ្រីដទៃទៀត ហើយបើមិនបានឮសំឡេងរបស់គេនោះទេ ពិតជាច្រឡំថា ជាមនុស្សស្រីដ៏ស្រស់សោភាគួរជាទីគយគន់ ហើយចង់ទំនាក់ទំនងសុំលេខទូរស័ព្ទទៀតផង តែតាមពិតទៅកញ្ញា យិន ណាដារីយ៉ា ហៅ ស្រីកែវ ជាមនុស្សចរិតស្រីសម្ដីស្រដៀងស្រីម្ញិម្ញក់ ហើយថែមទាំងបានកែភេទ ជាមនុស្សស្រីរួចហើយទៀតផង។ កញ្ញា យិន ណាដារីយ៉ា ក្នុងវ័យ ២៥ឆ្នាំ ដ៏ស្រស់សោភា ដូចមនុស្សស្រីពិតៗនេះ បានរៀបរាប់ពីជីវិតភេទទី៣ ឲ្យយើងបានដឹងថា នាងមានឪពុកឈ្មោះ យិន ចំរើន ម្ដាយឈ្មោះ ស ណាវី តែលោកទាំង២ បានស្លាប់អស់ហើយ។ ណាដារីយ៉ា មានបងប្អូន ៣នាក់ ក្នុងនោះមានប្រុស ២នាក់ ស្រីម្នាក់ នាងជាកូនច្បង ក្នុងគ្រួសារ ដែលសព្វថ្ងៃរស់នៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ ណារីដាយ៉ា បន្តឲ្យដឹងថា នាងបានក្លាយជាមានចរិតទន់ជ្រាយ តាំងពីនាងមានអាយុ ១០ឆ្នាំ ដែលពេលនោះ នាងស្រឡាញ់សម្ភារៈសម្លៀកបំពាក់ជារបស់ក្មេងស្រីមនុស្សស្រី ហើយពេលពេញវ័យអាយុ ១៧ឆ្នាំ នាងបានហ្វឹកហាត់រៀនតុបតែងផាត់មុខ ដូចជា មនុស្សស្រីដទៃទៀត ពេលនោះ ហើយដែលនាងមានចិត្តកាន់តែចេះស្រឡាញ់ខ្លួនឯង ជាមនុស្សស្រី កាន់តែខ្លាំងឡើង ហើយក៏ចេះតែគិតក្នុងចិត្តថា តើហេតុអ្វីអភ័ព្វតែខ្លួននាងកើតមកជាប្រុស ខុសពីចិត្តចង់ក្លាយ ជាស្រីពិត។ តែដារីយ៉ា ក៏មិនអាក់អន់ស្រពន់ចិត្តនោះទេ ហើយក៏មិនស្អប់ស្រី ឬស្អប់ប្រុសដែរ ជាពិសេសនោះ នាងមិនខូចចិត្តនោះទេ។ តែផ្ទុយទៅវិញ ក្រោយពីចូលហ្វឹកហាត់អស់រយៈពេល ៦ខែ ចេះជំនាញផាត់មុខអ៊ុតសក់ កាត់សក់ ហើយនាងក៏ចាប់ផ្ដើមចេញធ្វើការនៅតាមហាងនានាមួយចំនួន ដើម្បីជាបទពិសោធន៍ អស់រយៈពេល ៨ឆ្នាំក្រោយមក នាងបានចូលធ្វើការជាមួយក្រុមកញ្ញា ស៊ិនឌី ដែលនៅទីនោះ ធ្វើជាជាងអ៊ុតសក់ ផាត់មុខ តែសម្ផស្សផ្សេងៗ ជូនភ្ញៀវ និងដើរម៉ូដ រាំសូ ជាមួយក្រុមស៊ិនឌី នៅលើឆាកតាមកម្មវិធីផ្សេងៗ ពេលក្រុមហ៊ុននានា ឬកម្មវិធីទូរទស្សន៍នានា ផ្ដល់កិត្តិយសឲ្យឡើងសម្ដែង។ យិន ណារីដាយ៉ា ភេទទី៣ ( មនុស្សខ្ទើយ ) បានបន្តទៀតថា នៅពេលនាងដើរជាមួយក្រុមភេទទី៣ យូរៗទៅ នាងកាន់តែរិតចង់ក្លាយជាស្រីពិតប្រាកដ ដូច្នេះហើយនាងបានសន្សំប្រាក់ សម្រាប់ទុកកែសម្ផស្សឲ្យក្លាយជាស្រី។ កញ្ញាភេទទី៣ យិន ណារីដាយ៉ា បន្តថា នៅពេលនាងមានអាយុ ២០ឆ្នាំ ពេលនោះនាងឃើញប្រុសស្អាត តែងតែមានអារម្មណ៍រំភើប ចង់មានស្នេហា តែមិនយូរប៉ុន្មាន នាងក៏ទទួលបានសេចក្ដីស្នេហាពីបុរសសង្ហារម្នាក់ជាសង្សារ ហើយចេះស្រឡាញ់គ្នារស់នៅ និងគេងជាមួយគ្នា ដូចមនុស្សប្រុស និងស្រី ស្រឡាញ់គ្នាដែរ។ ប៉ុន្តែបានត្រឹមតែនេបនិតអោបថើបប៉ុណ្ណោះ ព្រោះថា ភេទដូចគ្នា មិនដឹងថា តើត្រូវរួមមេត្រីបែបណានោះទេ។ តាម ធម្មតា ការរួមមេត្រីរវាងមនុស្សខ្ទើយ និងមនុស្សប្រុស ធ្វើឡើងតាមមាត់ និងតាមរន្ធគូទ។ បញ្ហានេះ នាំឲ្យអ្នកជំនាញ បង្ហាញការព្រួយបារម្ភ លើការចម្លងមេរោគអេដស៍ ដែលមានអត្រាខ្ពស់។ ក៏ប៉ុន្តែណាដារីយ៉ា ដែលមានសង្សារដៃគូច្រើន បានបញ្ជាក់ថា នាងបានប្រើប្រដាប់ការពារដែរ គឺពេលរួមមេត្រី តែងតែប្រើស្រោមអនាម័យជានិច្ច។ យិន ណាដារីយ៉ា បន្តថា ពេលមានស្នេហាដំបូង ភេទដូចគ្នា ( ប្រុស និងប្រុស ) មានការលំបាកខ្លាំងណាស់ តែចេះតែទ្រាំរកឱកាសល្អ។ កញ្ញា យិន ណាដារីយ៉ា បានលើកឡើងថា ក្រោយមកបានមួយឆ្នាំ នាងតែងតែប្ដូរសង្សារ ព្រោះមនុស្សប្រុស ស្រឡាញ់នាង តែមួយឆាវ ពេលគេឃើញ នាងមានសម្រស់ស្អាតដូចស្រី។ ហេតុតែចង់ឲ្យគេ ស្រឡាញ់បានយូរ យិន ណាដារីយ៉ា នៅពេលអាយុ ២១ឆ្នាំ នាងបានទៅកែសម្ផស្សនៅប្រទេសថៃ ដោយដំបូងកែដើមទ្រូង ធ្វើឲ្យឡើងប៉ោងធំ ដូចជាមនុស្សស្រី។ ក្រោយពីកែសម្ផស្សកែសុដន់រួច នាងក៏មានសង្សារម្នាក់ទៀត ដែលគេ ក៏ស្រឡាញ់នាងខ្លាំងដែរ។ តែសង្សារមុន និងសង្សារក្រោយ បានត្រឹមតែបបោសអង្អែលរួមមេត្រីខុសពីធម្មជាតិប៉ុណ្ណោះ ដូច្នេះហើយនាងក៏ខិតខំប្រឹងប្រែងតស៊ូ ធ្វើការរកប្រាក់សន្សំ រហូតបានសម្រេច នៅឆ្នាំ២០០៨ នាងក៏បានទៅប្រទេសថៃ កែសម្ផស្សដោយវះកាត់ប្រដាប់ភេទពីប្រុស ឲ្យទៅជាស្រី ដោយចំណាយថវិកាអស់ប្រមាណ ៨.០០០ ដុល្លារ ( ប្រាំបីពាន់ដុល្លារ )។ នៅពេលវះកាត់ប្រដាប់ភេទ ប្តូរពីមនុស្សប្រុស ធ្វើជាមនុស្សស្រី ត្រូវបាន យិន ណាដារីយ៉ា ឆ្លើយដោយឥតលាក់បាំង អៀនខ្មាស់ថា "ដំបូង ខ្ញុំមានអារម្មណ៍ភ័យខ្លាចខ្លាំងណាស់ ប៉ុន្តែខ្ញុំបានដឹងរួចហើយថា កញ្ញា ប៉ុបពី កែសម្ផស្ស កែប្រដាប់ភេទមុន មិនមានបញ្ហាអ្វីផង ម្លោះហើយនាងខ្ញុំក៏លែងភ័យទៅតែចំពោះរឿងឈឺចាប់នោះ គឺឈឺខ្លាំងណាស់ ទោះបីមានថ្នាំស្ពឹកក៏ដោយ តែធ្វើម៉េច បើយើងចង់ក្លាយជាស្រីពិត មានតែទ្រាំអស់រយៈពេល ៤ ម៉ោង ទើបវះកាត់រួច។ ចំណែកការសោកស្ដាយប្រដាប់ភេទប្រុសនោះ មិនស្ដាយទេ ព្រោះយើងមិនមែន ជាចរិតប្រុស។ ដូច្នេះត្រូវតែប្ដូរចេញ"។ ក្រោយពីវះកាត់ ណាដារីយ៉ា បានឲ្យដឹងដោយមានសំឡេងធំបែបមនុស្សប្រភេទទី៣ ឲ្យដឹងថា "អស់រយៈពេលពី ៣ ទៅ ៤ខែ ទើបជាសះស្បើយ។ កាលពីមិនទាន់កែភេទ ភេទដូចគ្នា មានការពិបាករស់នៅ ហើយមានកូនចិត្តមួយថា គេមិនអាចស្រឡាញ់នាងខ្ញុំ បានយូរនោះទេដូច្នេះ ហើយនាងខ្ញុំគិតថា បើយើងជាមនុស្សស្រីពិតប្រាកដយ៉ាងណា ក៏គេ ( មនុស្សប្រុស ) នោះ ស្រឡាញ់នឹងរស់នៅជាមួយយើងបានយូរ ហើយមានសេចក្ដីសុខក្នុងផ្លូវស្នេហារួមរស់មេត្រី ក៏អាចសមល្មមនឹងអាចទទួលយកបាន។ នោះជាការពិត ក្រោយពីនាងខ្ញុំ កែភេទរួចនាងខ្ញុំមានសង្សារថ្មី ពិតជារស់នៅជាមួយគ្នាជាសង្សារមានសេចក្ដីសុខមែន ហើយអាចរួមមេត្រីដូចមនុស្សប្រុស និងមនុស្សស្រីឯទៀតដែរ"។ ណាដារីយ៉ា បញ្ជាក់ថា "ថ្វីបើវះកាត់មែន តែនៅពេលរួមមេត្រី នាងសួរទៅដៃគូជាសង្សារនាងថា មានអារម្មណ៍បែបណា? ពេលនោះគេ (សង្សារនាង) ញញឹមរួចឆ្លើយថា តាមពិតទៅល្អជាងប្រដាប់ភេទស្រីពិតប្រាកដទៀតផង (ពាក្យសាមញ្ញ) ថា អែមជាង"។ នៅពេលដែលយើងសួរទៀតថា កាលពីមិនទាន់កែភេទ តើគូសង្សារកញ្ញាស្រឡាញ់គ្នា មានរយៈពេលប៉ុន្មានខែប៉ុន្មានឆ្នាំដែរ? ណាដារីយ៉ា បានឆ្លើយថា "ចា៎... ជាការពិតណាស់កាលនោះ យើងមានភេទស្របគ្នា ស្រឡាញ់គ្នាមិនបានយូរទេ គឺតែរយៈពេល ៣ខែ ៦ខែ ឬមួយឆ្នាំយូរបំផុត ក៏បែកគ្នាទៅ។ តែការបែក ការជួប គឺមានជាហូរហែ ហើយក្រោយពីបែកពីមួយទៅមួយទៀតនោះ គឺមិនយូរទេ ពេលណាបែកយើងធ្វើខ្លួនទៅដើរលេង ក៏មានគេចាប់អារម្មណ៍ ក៏បង្កើតស្នេហាទៀតទៅ។ ព្រោះយើងស្អាតដូចមនុស្សស្រី ហើយងាយស្រួលនឹងទំនាក់ទំនងជាមនុស្សស្រីពិតប្រាកដ"។ ជាមួយ នឹងការលើកឡើងដូច្នេះ ណាដារីយ៉ា បានឲ្យដឹងថា មុនពេលកែភេទ នាងមានសង្សារប្រហែល ៣ ទៅ ៤នាក់។ ប៉ុន្តែក្រោយពីកែដើមទ្រូង និងកែប្រដាប់ភេទរួច ណាដារីយ៉ា បញ្ជាក់ថា "មិនថា ស្រីដូចគ្នានោះទេ សូម្បីតែប្រុសៗ ពេលឃើញនាងហើយត្រូវតែកោតសរសើរនឹងចាប់អារម្មណ៍ចំពោះនាងខ្ញុំច្រើន ព្រោះសព្វថ្ងៃទៅណាម កណា គេតាមមើលនឹងសសើររហូត"។ ទោះជា យ៉ាងណា ណាដារីយ៉ា បានឲ្យដឹងថា សង្សារ និងរូបនាង បច្ចុប្បន្ននេះ មានគម្រោងរៀបការ។ តែរឿងនេះ កន្លងមកធ្លាប់គិតដែរ តែមិនទាន់មានចម្លើយរៀងៗខ្លួន។ សង្សាររបស់នាង មិនមែនជាកម្លោះនោះទេ គឺបុរសនោះ ធ្លាប់មានប្រពន្ធ និងមានអាយុ ២៧ឆ្នាំហើយ។ ណាដារីយ៉ា បានលើកឡើងថា "យើងបានស្រឡាញ់គ្នា រស់នៅជាមួយគ្នាជាសង្សារអស់រយៈពេល ៣ឆ្នាំ មកហើយ ហើយក្នុង ១សប្ដាហ៍ យើងគេងនៅជាមួយគ្នា ៣ដង។ ថ្វីបើមិនរស់នៅផ្ទះជាមួយគ្នាក៏ដោយ ក៏មានសេចក្ដីសុខដែរ"៕ |
Monday, March 26, 2012
កែភេទ ពីប្រុស ជាស្រី ចំណាយ ៨.០០០ ដុល្លារ Popzone News | Life & Style
កែភេទ ពីប្រុស ជាស្រី ចំណាយ ៨.០០០ ដុល្លារ Popzone News | Life & Style
Subscribe to:
Post Comments (Atom)
No comments:
Post a Comment