អ្នកគួរប្រើថ្នាំបន្ធូរការតឹងច្រមុះដូចម្តេច? តើប្រភេទថ្នាំបន្ធូរការតឹងច្រមុះអ្វីខ្លះដែលអាចប្រើបាន?
ថ្នាំ បន្ធូរការតឹងច្រមុះដែលមិនមានវេជ្ជបញ្ជាជួយបន្ថយការស្ទះច្រមុះ ត្រូវបានបង្កឡើងដោយការផ្តាសាយដោយពពួកវីរុស ឬជំងឺផ្តាសាយធំ, ជំងឺរលាកឆ្អឹងច្រមុះ ឬអាឡែស៊ីជាដើម។ ថ្នាំបន្ធូរការតឹងច្រមុះដែលទម្រង់ជាថ្នាំគ្រាប់ដែលមានលក់គឺ រួមមាន phenylephrine (ឈ្មោះថ្នាំ: Sudafed PE) និង pseudoephedrine (ឈ្មោះថ្នាំ: Sudafed 12 Hour) ។
ថ្នាំបន្ធូរការតឹងច្រមុះក្រោមទម្រង់ជាស្ព្រៃបាញ់ ឬទឹកសម្រាប់បន្តក់ក៏មានលក់ផងដែរ។ ទោះជាយ៉ាងណាក៏ដោយ, ផលិតផលទាំងនេះមិនគួរត្រូវបានគេប្រើលើសពី៣ថ្ងៃនោះទេដោយសារតែ ខ្លួនរបស់អ្នកអាចក្លាយជាត្រូវការវារហូត។ ប្រសិនបើអ្នកក្លាយជាពឹងថ្នាំទាំងនេះរហូត, ច្រមុះរបស់អ្នកអាចមានអារម្មណ៍ថាស្ទះជាប់នៅពេលដែលអ្នកឈប់ប្រើ វា។
តើពពួកថ្នាំ pseudoephedrine មានសុវត្ថិភាពដែរឬទេ? ហេតុអ្វីបានជាវាត្រូវបានគេលក់ដោយការលាក់បាំង?
ប្រាកដ ណាស់, ថ្នាំ pseudoephedrine គឺផ្តល់សុវត្ថិភាព និងមានប្រសិទ្ធភាពដល់ការតឹងច្រមុះនៅពេលដែលវាត្រូវបានគេ ប្រើប្រាស់ត្រឹមត្រូវ។ ទោះជាយ៉ាងណាក៏ដោយ, មនុស្សមួយចំនួនប្រើថ្នាំ pseudoephedrine នេះមិនស្របច្បាប់ដោយលាយវាជាមួយនឹងផលិតផលដទៃទៀតដើម្បីបង្កើត បានជាថ្នាំ methamphetamine, ដែលជាថ្នាំមិនស្របច្បាស់ និងមានគ្រោះថ្នាក់នៅលើទីផ្សារ។ ដើម្បីជួយការពារមនុស្សពីការបង្កើតថ្នាំ methamphetamine នេះ, ថ្នាំមិនមានវេជ្ជបញ្ជាដែលផ្សំពី pseudoephedrine នេះត្រូវបានគេលក់ដោយលាក់បាំង។ ដូចនេះ, សូម្បីតែអ្នកមិនត្រូវការថ្នាំមិនមានវេជ្ជបញ្ជាពីគ្រូពេទ្យរបស់ អ្នកដើម្បីទិញថ្នាំទាំងនេះក៏ដោយ, អ្នកក៏នៅតែសួរឪសថការីអំពីរឿងនេះផងដែរ។
តើថ្នាំបន្ធូរការតឹងច្រមុះមានសកម្មភាពយ៉ាងដូចម្តេច?
ថ្នាំបន្ធូរការតឹងច្រមុះមានសកម្មភាពដោយធ្វើអោយសរសៃឈាមរួមតូចនៅ ក្នុងស្រទាប់នៃច្រមុះ។ នេះបន្ថយលំហូរឈាមមួយចំនួនដែលមកទីតាំងដែលជាលិកាហើមនៅខាងក្នុង ច្រមុះ អោយខ្យល់អាចឆ្លងកតា់បានយ៉ាងងាយស្រួល។
តើផលប៉ះពាល់នៃថ្នាំបន្ធូរការតឹងច្រមុះដែលកើតមានជាទូទៅមានអ្វីខ្លះ?
អ្នកមានសុខភាពល្អដែលប្រើប្រាស់ថ្នាំបន្ធូរការតឹងច្រមុះតែមួយមុខ ជាធម្មតាមិនមានផលប៉ះពាល់អ្វីនោះទេ។ ទោះជាយ៉ាងណាក៏ដោយ, អ្នករាល់គ្នាអាចមានផលប៉ះពាល់នៃថ្នាំនេះ។
ថ្នាំបន្ធូរការតឹងច្រមុះអាចបណ្តាលអោយភ័យខ្លាច, វិលមុខ និងបញ្ហានៃការគេងកើតមានមួយរយៈ។ ពួកវាអាចបណ្តាលអោយញ័រទ្រូងផងដែរ ឬឡើងសម្ពាធឈាម។
នរណាដែលមិនគួរប្រើថ្នាំបន្ធូរការតឹងច្រមុះនេះ?
ប្រសិនបើថ្នាំបន្ធូរការតឹងច្រមុះធ្វើអោយអ្នកមានអារម្មណ៍ អស់កម្លាំង ឬធ្វើអោយអ្នកពិបាកគេង, អ្នកអាចប្រហែលជាចង់បន្ថយបរិមាណនៃជាតិកាហ្វេអ៊ីនដែលអ្នកបាន ទទួលទាននៅពេលដែលអ្នកកំពុងតែប្រើថ្នាំនេះ។ សូមកុំអោយថ្នាំបន្ធូរការតឹងច្រមុះនេះទៅកុមារដែលមានអាយុក្រោម៤ ឆ្នាំ។
សូមកុំប្រើថ្នាំបន្ធូរការតឹងច្រមុះប្រសិនបើអ្នកមានជំងឺលើសឈាមដែលមិនអាចគ្រប់គ្រងបាន។
សូមនិយាយទៅកាន់គ្រូពេទ្យមុននឹងប្រើថ្នាំបន្ធូរការតឹងច្រមុះប្រសិនបើអ្នកមានបញ្ហាសុខភាពដូចខាងក្រោមៈ
- ជំងឺលើសឈាម
- ជំងឺដក់ទឹកក្នុងភ្នែក
- បញ្ហាបេះដូង
- ជំងឺនៃក្រពេញទីរ៉ូអ៊ីត
- ជំងឺទឹកនោមផ្អែម
- ជំងឺក្រពេញប្រូស្តាត
តើថ្នាំបន្ធូរការតឹងច្រមុះនេះអាចធ្វើអោយមានបញ្ហាជាមួយនឹងថ្នាំដែលខ្ញុំកំពុងប្រើប្រាស់ឬទេ?
ថ្នាំបន្ធូរការតឹងច្រមុះអាចមានប្រតិកម្មជាមួយនឹងថ្នាំជាច្រើន ដែលអ្នកប្រើប្រាស់។ ប្រសិនបើអ្នកប្រើថ្នាំខាងក្រោមនេះ, សូមនិយាយជាមួយគ្រូពេទ្យមុននឹងប្រើថ្នាំបន្ធូរការតឹងច្រមុះ:
- ថ្នាំចំពោះជំងឺហឺត
- ថ្នាំសម្រាប់តមអាហារ
- ថ្នាំសម្រាប់ជំងឺលើសឈាម
ថ្នាំបន្ធូរការតឹងច្រមុះជារឿយៗត្រូវបានគេលាយជាមួយនឹងថ្នាំ ប្រឆាំងនឹងអ៊ីស្តាមីន ឬថ្នាំបន្ថយការឈឺ ចាប់។ ប្រសិនបើអ្នកប្រើថ្នាំមួយនៃថ្នាំដែលលាយទាំងនេះ, វាជារឿងសំខាន់ដើម្បីយល់ពីសមាស ធាតុផ្សំ និងប្រតិកម្មដែលពួកវាអាចមានជាមួយនឹងថ្នាំដទៃទៀតដែលអ្នកប្រើ។
ជាទូទៅ, សូមព្យាយាមជៀសវាងថ្នាំលាយដែលព្យាបាលរោគសញ្ញាជាច្រើនក្នុងពេលតែ មួយអោយសោះ។ ឧទាហរណ៍, អ្នកអាចប្រើថ្នាំបន្ធូរការតឹងច្រមុះសម្រាប់ការតឹងច្រមុះ។ សូមកុំប្រើថ្នាំបន្ធូរការតឹងច្រមុះលាយជាមួយនឹងថ្នាំដទៃទៀតដូច ជាថ្នាំក្អក, ថ្នាំប្រឆាំងនឹងអ៊ីស្តាមីន ឬអាសេតាមីណូហ្វេនប្រសិនបើអ្នកមិនប្រាកដថាអ្នកកំពុងតែមិន ប្រើថ្នាំដទៃទៀតដែលផ្សំពីសមាសធាតុផ្សំទាំងនោះ។ នេះនឹងជួយអ្នកពីការប្រើច្រើនពេកនៃសមាសធាតុផ្សំទាំងនោះ។
សូមប្រាកដថាមិនប្រើថ្នាំ pseudoephedrine ច្រើនពេក។ ថ្នាំផ្តាសាយ និងថ្នាំអាឡែស៊ី និងថ្នាំមានវេជ្ជបញ្ជាជាច្រើនផ្សំពី pseudoephedrine នេះ។ ប្រសិនបើអ្នកលាយជាមួយនឹងថ្នាំទាំងនេះ, អ្នកនឹងប្រើនូវកម្រិតច្រើនជាងអ្វីដែលអ្នកចង់បាន។ តើអ្វីដែលខ្ញុំគួរនិយាយទៅកាន់គ្រូពេទ្យ?
សូមទាក់ទងទៅគ្រូពេទ្យប្រសិនបើការតឹងច្រមុះរបស់អ្នកមានរយៈពេលលើស ពី២សប្តាហ៍, ប្រសិនបើអ្នកមានគ្រុនក្តៅ ឬប្រសិនបើអ្នកមានការឈឺធ្ងន់ធ្ងរនៅលើមុខ ឬឆ្អឹងច្រមុះ។ ប្រសិនបើអ្នកកំពុងតែប្រើស្ព្រៃបន្ធូរការតឹងច្រមុះជាទៀងទាត់, សូមនិយាយទៅកាន់គ្រូពេទ្យអំពីការព្យាបាលផ្សេងទៀតដែលមាន សុវត្ថិភាពជាងនេះ។ |
No comments:
Post a Comment