ភ្នំពេញៈ កិច្ចផ្តួចផ្តើមមួយ ដែលបានរៀបចំឡើង ក្នុងគោលបំណង បង្កើនការការពារកុមារ នៅតាមខេត្តចំនួន ៥ របស់កម្ពុជា ត្រូវបានគេដាក់ឲ្យដំណើរការ កាលពីថ្ងៃអង្គារ។
កម្មវិធីភាពជាដៃគូ ដើម្បីការការពារកុមារ ដែលរដ្ឋាភិបាលកម្ពុជា អង្គការ UNICEF និងអង្គការ Friends International ព្រមទាំងអង្គការមិនមែនរដ្ឋាភិបាលសំខាន់ៗចំនួន ៩ ទៀត បានជួបប្រជុំគ្នា នៅរាជធានីភ្នំពេញនេះ គឺមានបំណងផ្តល់ការថែទាំ សម្របសម្រួល ឲ្យបានកាន់តែប្រសើរដល់កុមារងាយរងគ្រោះ។
គម្រោងដែលផ្តល់មូនិធិ ដោយអង្គការសហប្រជាជាតិមួយនេះ មានរយៈពេល ៣ ឆ្នាំ។
ទន្ទឹមនឹងនោះដែរ ការកំណត់ស្តង់ដារ ចំពោះការការពារកុមារ និងការបង្កើនសមត្ថភាព ប្រកបដោយនិរន្តភាព សម្រាប់ការផ្តល់សេវាការពារកុមារ និងជាគោលបំណងនៃកម្មវិធី ភាពជាដៃគូនេះ គឺដើម្បីសម្របសម្រួល ដល់ការប្រមូលទិន្នន័យសម្រាប់បញ្ហាការពារកុមារ ដើម្បីផ្តល់ដំណឹង និងជំរុញដល់ការបង្កើតគោលនយោបាយរបស់រដ្ឋាភិបាល។
លោក David Harding អនុប្រធានអង្គការ Friends International ជឿជាក់ថា កម្មវិធីភាពជាដៃគូនេះនឹងបង្ហាញនូវគំនិតថ្មី។ លោកបន្តថា៖ «យើងមានសមាគម និងដៃគូជាច្រើនរួចទៅហើយ ដោយមានការសហការ ពីក្រសួង ដើម្បីបង្កើតក្របខ័ណ្ឌការងារ និងគោលបំណងឲ្យបានរឹងមាំ»។
No comments:
Post a Comment