ក្រុមអគ្គស្នងការដ្ឋាននគរបាលជាតិមានពិន្ទុនាំមុខ ក្រោយឈ្នះព្រះខ័នរាជ្យ3-2
រាជធានីភ្នំពេញ ៖ ក្រុមអគ្គស្នងការដ្ឋាននគរបាលជាតិ បានក្លាយជាក្រុមនាំមុខគេនៅក្នុងតារាងជាបណ្តោះអាសន្ន បន្ទាប់ពីបានប្រកួតឈ្នះព្រះខ័នរាជ្យ៣-២ កាលពីរសៀលថ្ងៃអាទិត្យ ទី២២ មេសា ខណៈណាហ្គាខបបានឡើងមកនៅលេខរៀងទី២ ពេលយកឈ្នះសាកលវិទ្យាល័យវេស្ទើន៤-១ ។ អគ្គស្នងការដ្ឋាននគរបាលជាតិលេងបានល្អនៅតង់ទី១ យកឈ្នះព្រះខ័នរាជ្យ២-០នាំមុខមុន លុះចូលដល់តង់ទី២ ក្រុមអគ្គស្នងការដ្ឋាននគរបាលជាតិរកបាន១គ្រាប់ទៀត ប៉ុន្តែត្រូវក្រុមព្រះខ័នរាជ្យរកបាន២គ្រាប់សងវិញ ។
អគ្គស្នងការដ្ឋាននគរបាលជាតិ ពេលនេះលេងបាន៦ប្រកួត ឈ្នះ៤ ស្មើ១ ចាញ់១ មាន១៣ពិន្ទុ ចំណែកព្រះខ័នរាជ្យ កំពុងតែឈរនៅលេខរៀងទី៦ជាបណ្តោះអាសន្ន ដែលការប្រកួតទាំង៤លើករបស់គេកន្លងមក ឈ្នះ២ មិនដែលស្មើ និងចាញ់២ មាន៦ពិន្ទុ ។ ក្រុម ណាហ្គាខប បានធ្វើឱ្យសាកលវិទ្យាល័យវេស្ទើនខកចិត្តយ៉ាងខ្លាំង ខណៈពេលក្រុមថ្មីមួយនេះ មានឱកាសរកបានគ្រាប់បាល់១-១ស្មើគ្នាក្នុងតង់ទី១ ប៉ុន្តែនាទីបន្ទាប់មកណាហ្គាខបរកបាន៣គ្រាប់ទៀតនាំ មុខវេស្ទើនដាច់តែម្តង ។ ណាហ្គាខប ពេលនេះលេងបាន៦ប្រកួត ឈ្នះ៤ ស្មើ១ ចាញ់១ មាន១៣ពិន្ទុ ។ សាកលវិទ្យាល័យវេស្ទើនបានឈរនៅលេខរៀងទី៧ក្នុងតារាង លេងបាន៦ប្រកួតស្គាល់ឈ្នះតែ១ប្រកួតប៉ុណ្ណោះ ស្មើ១ ចាញ់៣ប្រកួត មាន៤ពិន្ទុ ។
ចំណែក នៅថ្ងៃពុធ ទី២៥ មេសា នេះសាកលវិទ្យាល័យវេស្ទើន ត្រូវមកប៉ះក្រុមខ្លាំងអគ្គស្នងការដ្ឋាននគរបាលជាតិ ជាបន្តទៀត ប៉ុន្តែមើលទៅពិបាកសង្ឃឹមខ្លាំងណាស់ ព្រោះក្រុមនេះមិនងាយនឹងរកក្រុមឯទៀតមកទប់ទល់
បំផុត ៕
បំផុត ៕
No comments:
Post a Comment