បាងកកៈ តម្លៃមាសនៅទីផ្សារអន្តរជាតិបានធ្លាក់ថ្លៃរយៈពេលបីថ្ងៃជាប់ៗ គ្នាជាលើកដំបូង ខណៈដែលការឡើងថ្លៃប្រាក់ដុល្លារ អាមេរិកបានទប់ស្កាត់តម្រូវការមាសរបស់វិនិយោគិនសម្រាប់ជា ជម្រើសក្នុងការវិនិយោគ។
ដុល្លារបានឡើងថ្លៃធៀបនឹងអឺរ៉ូ ដោយសារតែមានក្តីបារម្ភថា លទ្ធផលនៃការបោះឆ្នោតជ្រើសប្រធានាធិបតីបារាំង នឹងបង្អាក់ដល់កិច្ចប្រឹងប្រែងសម្រាប់ដោះស្រាយវិបត្តិក្នុងតំបន់ អឺរ៉ូ។
កិច្ចប្រជុំរបស់IMF ដែលទើបនឹងបញ្ចប់កាលពីថ្ងៃអាទិត្យនៅវ៉ាស៊ីតោន បានស្នើឡើងនូវថវិកាជាង៤៣០ពាន់លានដុល្លារ ដើម្បីជួយការពារសេដ្ឋកិច្ចសកល។
លោក Bernard Sin ប្រធានរូបិយប័ណ្ណ និងពាណិជ្ជកម្មលោហៈមានតម្លៃ នៅក្រុមហ៊ុន MKS Finance SA ក្នុងទីក្រុងហ្សឺណែវបាននិយាយថា៖ «វាមានផលប៉ះពាល់ពេលអឺរ៉ូធ្លាក់ចុះ ហើយដុល្លារឡើងថ្លៃ ដូច្នេះហើយបានជាយើងឃើញថាមាសរងនូវសម្ពាធ»។
តម្លៃមាសគីឡូសម្រាប់នាំចេញភ្លាមៗបានធ្លាក់ចុះ ០,៥ភាគរយមកនៅ ត្រឹម១ ៣៦៤,៦៨ដុល្លារក្នុងមួយអោន(២៨,៣ក្រាម)នៅទីក្រុងឡុងដ៍កាលពីថ្ងៃ ចន្ទ។
កាលពីសប្តាហ៍មុនតម្លៃបានធ្លាក់ចុះ០,៩ភាគរយ។ នៅទីក្រុងញូវយ៉កតម្លៃមាសបានធ្លាក់ចុះ០,៥ភាគរយនៅត្រឹម១ ៦៣៥,៣០ដុល្លារក្នុងមួយអោន។
ធនាគារកណ្តាលអាមេរិកនឹងរបាយការណ៍ទាក់ទងទៅនឹងគោលនយោបាយរូបិយវត្ថុនៅថ្ងៃទី២៥ មេសានេះ។
តម្លៃប្រាក់បានធ្លាក់ចុះ១,១ភាគរយ មកនៅ៣១,៣៥ដុល្លារ ប្លាទីនធ្លាក់ចុះ០,៩ភាគរយមកនៅ៦៦៩,២៥ដុល្លារ៕
No comments:
Post a Comment