សារ៉ាប៉ូវ៉ាសំឡឹងរកពានជើងឯកក្របខណ្ឌធំ French Openក្នុងឆ្នាំថ្មី
នាង ម៉ារីយ៉ា សារ៉ាប៉ូវ៉ាកំពុងឈានឆ្ពោះទៅរកភាពជោគជ័យបន្ថែមទៀតក្នុង អាជីពជាមួយនឹងពានជើងឯកក្របខណ្ឌធំមួយក្នុងពេលដ៏ខ្លីខាងមុខ ខណៈនាងចាប់ផ្តើមកំដៅសាច់ដុំក្នុងកម្មវិធីប្រកួតលើទីលានដី ក្រហមសប្តាហ៍នេះ។
កីឡាការិនីវ័យ២៥ឆ្នាំរបស់រុស្ស៊ីរូបនេះបាន ដាក់បញ្ចូលការប្រកួតនៅក្រុងStuttgartទៅក្នុងគម្រោងប្រកួតកម្ម វិធីកំដៅសាច់ដុំនៅទីក្រុងរ៉ូម ប្រទេសអ៊ីតាលីនិងទីក្រុងម៉ាឌ្រីដប្រទេសអេស្ប៉ាញរបស់ខ្លួន ដើម្បីត្រៀមយកជ័យ French Openនៅដំណាច់ខែឧសភា។ French Openជាក្របខណ្ឌធំតែមួយគត់ដែលសារ៉ាប៉ូវ៉ាមិនទាន់បានយកឈ្នះ ពានជើងឯកនៅឡើយ។
បន្ទាប់ពីបានឈានចូលដល់វគ្គផ្តាច់ព្រ័ត្រក្រប ខណ្ឌធំ Australian Openកាលពីខែ មករាកន្លងមក សារ៉ាប៉ូវ៉ាបាននិយាយថា គោលបំណងរបស់ខ្លួនគឺធ្វើយ៉ាងណាបង្កើនកម្លាំងឡើងវិញបន្ទាប់ពី បានធ្លាក់ចុះក្រោយពីវះកាត់របួសស្មាក្នុងឆ្នាំ២០០៩។ កីឡាការិនីលំដាប់ទី២ពិភពលោករូបនេះបន្តថា៖«គោលដៅរបស់ខ្ញុំគឺ ស្តារឡើងវិញនូវកម្លាំងកាយ។ ពេលនេះខ្ញុំអាចឈរប្រកួតបានយូរ។ ខ្ញុំបានប្រសើរជាងមុនច្រើន តែយ៉ាងណា ខ្ញុំនៅតែត្រូវរៀនសូត្រពីការប្រកួតលើទីលានដីក្រហម ខណៈបច្ចេកទេសប្រកួតមានការខុសគ្នាខ្លះៗ»។
No comments:
Post a Comment