ដាញ់ ម៉ូនីកា ដាក់កំហិតយកកូនឲ្យបានក្នុងឆ្នាំរោង
ភ្នំពេញ : ខណៈមហាសង្ក្រាន្តឆ្នាំរោងចូលមកបន្តឆ្នាំថោះមិនទាន់បានប៉ុន្មាន ថ្ងៃផង ពេលនេះ អ្នកនាង ដាញ់ ម៉ូនីកា បាននិយាយប្រាប់មិត្តភក្កិនៅក្នុង facebook ថា «ឆ្នាំរោងនេះនាងនឹងផ្តល់កំណើតកូនទី២ឲ្យបាន»។
ដោយដឹងថា ឆ្នាំរោងឆ្នាំ២០១២នេះជាឆ្នាំគម្រប់ខួបឆ្នាំនាគរាជនោះ អតីតតារាសម្តែងល្បីឈ្មោះអ្នកនាង ដាញ់ ម៉ូនីកា បានពន្យល់ប្រាប់ទៅមិត្តភក្កិក្នុង facebook ថា រាល់១២ឆ្នាំ នឹងវិលចូលគម្រប់ខួបឆ្នាំនាគរាជនោះ ត្រូវបានគេជឿថា ជាប្រភេទឆ្នាំមួយ នាំមកនូវសិរីសួស្តីល្អដល់ក្រុមគ្រួសារ និងនាំមកនូវទ្រព្យសំណាងជាងឆ្នាំណាៗទាំងអស់។
ជាមួយ ការពន្យល់នោះអ្នកនាងក៏បាន លើកឡើងដែរថា សម្រាប់លោកអ្នកដែលមានគូស្នេហ៍ ឬសង្សារដែលបែកគ្នាកាលពីមុននឹងវិលត្រឡប់ជួបគ្នាជាថ្មីធ្វើឱ្យ លោកអ្នកមានភាពស្និទ្ធស្នាលកាន់តែខ្លាំង។ ដោយហេតុនេះហើយទើបខ្ញុំ និងស្វាមីសម្រេចផ្តល់កំណើតកូនទី២ឲ្យបាននៅក្នុងឆ្នាំរោងនេះ។
កាល ដែលអតីតតារាសម្តែងរូបនេះប្រកាសផ្តល់កំណើតកូនទី២នេះ ក៏មានមិត្តភក្តិនាងមួយចំនួនលើកឡើងដែរថា វាប្រាកដណាស់ ម៉ូនីកា គួរតែដល់ពេលផ្តល់កំណើតឲ្យកូនបន្ទាប់ទៀតហើយ ព្រោះថា ពេលនេះកូនស្រីច្បងរបស់នាងមានអាយុជិត២ខួបហើយហ្នឹង ហើយមួយទៀតមើលទៅនាងក៏មានលទ្ធភាពគ្រប់គ្រាន់ដែរ ក្នុងការបន្តយកកូនទី២នោះ ព្រោះថា សព្វថ្ងៃនេះគេដឹងច្បាស់ណាស់ នាងមិនត្រឹមតែមានស្វាមីល្អចេះស្រឡាញ់ថ្នាក់ថ្នមយល់ចិត្តនោះទេ ប្តីនាងបានទិញវីឡាតម្លៃថ្លៃរាប់ម៉ឺនដុល្លារឲ្យនាងរស់នៅយ៉ាង មានក្តីសុខទៀតផងនៅអូស្រ្តាលីនោះ៕
No comments:
Post a Comment