រូបភាពការប្រច័ណ្ឌ
តើអ្នកឆ្ងល់ទេថានៅពេលដែលអ្នកប្រច័ណ្ឌវាអាចធ្វើ ឱ្យមានផលវិបាកអ្វីខ្លះទៅ? ហើយចុះផលវិបាក ទាំង នោះវាជះឥទ្ធិពលអ្វីខ្លះនៅពេលខាងមុខ? ជាក់ស្តែងមនុស្សម្នាក់ៗតែងតែជួបប្រទះនៅបញ្ហា គ្រាន់តែថាតើនៅពេលដែលជួបនៅបញ្ហានោះគេចេះដោះស្រាយវាបានបណ្ណាតែប៉ុណ្ណោះ។ នៅពេលដែលមនុស្សពីរនាក់ស្រលាញ់គ្នាតែងតែជួបប្រទះនៅបញ្ហាណាមួយដោយជៀសមិនផុត ក្នុងនោះការប្រច័ណ្ឌការនៅក្នុងចំណោមបញ្ហានោះដែរ។ ខាងក្រោមនេះគឺផលអាក្រក់មួយចំនួនដែលកើតមកពីការប្រច័ណ្ឌ៖
១. ខាតពេលវេលា : នៅពេលដែលអ្នកខឹងគ្នាអ្នកប្រាកដជារិះរកនៅវិធីសាស្រ្តណាមួយ ដើម្បីលួងលោមគ្នា ដែលជាហេតុធ្វើឱ្យខាតពេលវេលាយ៉ាងខ្លាំង។២. មិនទុកចិត្តគ្នានៅពេលក្រោយ : ទៅថ្ងៃក្រោយទៅអ្នកអាចទៅជាមិនទុកចិត្តគ្នា ឬមិនយល់ពីអ្វីដែលដៃគូររបស់អ្នកកំពុងតែប្រព្រឹត្ត។
៣. បាត់បង់កិត្តិយស : ដោយសារតែការប្រច័ណ្ឌអាចធ្វើឱ្យមនុស្សមិនបានគិតវែងឆ្ងាយ គិតខុស លែងដឹងខ្មៅស ល្អ និង អាក្រក់។
៤. ឈានដល់ការបែកបាក់ : ពេលខ្លះព្រោះតែរឿងតិចតួចដែលកើតឡើងមកពីការប្រច័ណ្ឌនោះ វាអាចបណ្តាលឱ្យអ្នក និងដៃគូឈានទៅរកការបែកបាក់គ្នាក៏ថាបាន។
ចំណុចខាងលើនេះសុទ្ធសឹងតែជាផលអាក្រក់នៃការប្រច័ណ្ឌ ប្រសិនបានដឹងនៅផលអាក្រក់នៃការប្រច័ណ្ឌហើយ អ្នកគួរតែកម្ចាត់ភាពប្រច័ណ្ឌឱ្យអស់ពីក្នុងចិត្តរបស់អ្នក ដើម្បីឱ្យស្នេហារបស់អ្នកបានស្ថិតស្ថេរបានយូរអង្វែង និងគង់វង្ស។
No comments:
Post a Comment