សម្រាប់អ្នកនៅមានជំនឿលើរឿងនេះខាងក្រោមនេះ គឺជាក្បួនបុរាណរបស់ហុងស៊ុយដែលបន្សល់ទុកជូនមិត្តអ្នក អានគ្រាន់បានពិចារណាក្នុងការងារសាកល្បងធ្វើទៅតាមការគួរ ។ តែទោះជាយ៉ាងណាក្តីប្រសិនបើគ្មានការជឿជាក់ទេ ក៏មិនគួរប្រមាថមើលងាយនោះដែរ ។ ជាការពិតណាស់មនុស្សសម័យថ្មីនេះគេមិនសូវយក ចិត្តទុកដាក់លើពេលវេលានោះឡើយ ដោយម្នាក់ៗគេពឹង ផ្អែកទៅលើឱកាសទំនេរ ដែលពួកគេអាចឆក់ឱកាសពេល ទំនេរប៉ុណ្ណោះ ។ ក្នុងសម័យមនុស្សបុរាណរាល់ការងារសំខាន់ៗគ្រប់ប្រភេទ លោកតែងជ្រើសរើសរកពេលវេលា សិរីមង្គលដើម្បីចាប់ផ្តើមកិច្ចការទាំងនោះ សូម្បីតែការទិញ រថយន្តធ្វើស្លាកលេខឬការចាកចេញរថយន្តជាដើម ។
មិនគួរទិញរថយន្តនៅថ្ងៃសីល៖ នេះជាជំនឿមួយមានតាំងពីបុរាណមកថា មិនគួរទិញ រថយន្តចូលផ្ទះនៅថ្ងៃសីល ព្រោះគេជឿថា របស់ដែលនាំចូល មកថ្ងៃនេះនឹងនាំមកនូវជំងឺតម្កាត់ ឬមនុស្សជាដៃគូប្រជែងធ្វើ ឱ្យកើតមានការចងអាឃាតនិងឈ្នានីសមិនចេះអស់មិនចេះហើយ ។
គួរទិញរថយន្តនៅថ្ងៃចន្ទ៖ ព្រោះគេមានជំនឿថា នរណាទិញរថយន្តចូលផ្ទះថ្ងៃ ចន្ទ ច្រើនមានលាភសំណាងល្អហូរចូលផ្ទះជាប់មិនដាច់ ។ មុខ ជំនួញការងារមានភាពរីកចម្រើនគ្មានឧបសគ្គរារាំង ដែលពេលខ្លះមានលាភហូរចូលច្រើនសន្ធឹកសន្ធាប់នឹកស្មានមិនដល់ទៀតផង ។
មិនគួរទិញរថយន្តនៅថ្ងៃអង្គារ៖ ព្រោះគេមានជំនឿថាអ្នកដែលទិញរថយន្តចូលផ្ទះ នៅក្នុងថ្ងៃអង្គារនោះ ច្រើនកើតមានរឿងអពមង្គលនៅក្នុង សង្គមគ្រួសារមុខជំនួញនិងការងារបណ្តាលឱ្យមានទុក្ខទោស បាត់បង់ការងារទ្រព្យសម្បត្តិ មាសប្រាក់ លុយកាក់ រហូតក្នុង ករណីខ្លះកើតមានហេតុការណ៍ណាមួយយ៉ាងធ្ងន់ធ្ងរទៀត ផង ។
មិនគួរទិញរថយន្តចូលផ្ទះនៅថ្ងៃពុធ៖ ព្រោះមានជំនឿថា នរណាទិញរថយន្តក្នុងថ្ងៃនេះ ច្រើនជួបនឹងទុក្ខព្រួយ ឬបញ្ហាផ្សេងៗដោយសារប្រាក់បំណុល គេមិនចេះអស់មិនចេះហើយ។
មិនគួរទិញរថយន្តនៅព្រហស្បតិ៍៖ ព្រោះគេមានជំនឿថា ការទិញរថយន្តចំថ្ងៃបែបនេះ នឹងបណ្តាលឱ្យការងារមុខជំនួញជួបបញ្ហាមានឧបសគ្គរារាំង មិនស្រាកស្រាន្ត ជាពិសេសកើតរឿងអពមង្គលនៅក្នុងជីវិត គូស្នេហ៍ ដោយសារមានភាគីណាមួយលួចក្បត់ចិត្តគ្នា បើពុំនោះទេ មានមនុស្សទីបីលូកដៃចូលមកកកូរកកាយឱ្យល្អក់ កករ ។
គួរទិញរថយន្តចូលផ្ទះនៅថ្ងៃសុក្រ៖ ព្រោះគេមានជំនឿថា នរណាទិញរថយន្តចូលក្នុងថ្ងៃ នេះ ច្រើននាំមកនូវលាភសក្ការៈសំណាងល្អហូរចូលផ្ទះនិង ក្នុងមុខជំនួញការងារជាប់មិនដាច់ ។ គ្រោងការនីមួយៗមាន ដំណើរទៅមុខយ៉ាងរលូនស្ទើរតែនឹកស្មានមិនដល់ ជាពិសេស នឹងទទួលបានកេរ្តិ៍ឈ្មោះកិត្តិយសតួនាទីកាន់តែធំដុំជាងមុន ទៀតផង ។
មិនគួរទិញរថយន្តចូលផ្ទះនៅថ្ងៃសៅរ៍៖ ព្រោះគេមានជំនឿថា នរណាទិញរថយន្តចូលផ្ទះក្នុង ថ្ងៃសៅរ៍នេះចាត់ទុកថា ជារឿងសែនចង្រៃឧបទ្រពបំផុត ព្រោះអាចធ្វើឱ្យជួបគ្រោះកាចរហូតដល់បាត់បង់អាយុជីវិតបាន ។
មិនគួរទិញរថយន្តចូលផ្ទះនៅថ្ងៃអាទិត្យ៖ ព្រោះគេមានជំនឿថា នរណាដែលទិញរថយន្តចូល ផ្ទះនៅថ្ងៃអាទិត្យនឹងធ្វើឱ្យកើតរឿងរ៉ាងក្តៅក្រហាយក្នុង គ្រួសារកាន់តែខ្លាំងឡើង ។ មធ្យោបាយដោះស្រាយ គឺណែនាំ ឱ្យប្រញាប់លក់រថយន្តនោះចេញវិញ រួចចាំទិញចូលជាថ្មីវិញ ។
ដកស្រង់ចេញពីសៀវភៅ៖ ជំនឿ & ក្បួនហ៊ុងស៊ុយ ខ្មែរ .
No comments:
Post a Comment