វិធីការពារគ្រុនផ្តាសាយ នៅកន្លែងធ្វើការ
អាកាសធាតុ ប្រែប្រួលក្តៅត្រជាក់ៗបែបនេះ គឺជាពេលឆ្លងរាលដាលរបស់ជំងឺផ្តាសាយ ប្រភេទផ្សេងៗ ព្រោះរាងកាយសម្រួលសភាពមិនទាន់ ទើបពេលនេះឃើញ ក្មេងជាច្រើនមិន ស្រួលខ្លួន។ ចំណែកឯមនុស្សធំ ទោះបីមានប្រព័ន្ធការពាររាងកាយរឹងមាំជាង ប៉ុន្តែ មិនគួរ ធ្វេសប្រហែសឡើយ ត្រូវចេះការពារ និងថែទាំខ្លួនឯងជានិច្ច។
ដូចគ្នាដែរនៅកន្លែងធ្វើការ អ្នកត្រូវតែយកចិត្តទកដាក់លើភាពស្អាត មានអនាម័យឱ្យបានច្រើន ដើម្បីការពារជំងឺគ្រុនផ្តា- សាយ ព្រោះក្នុងការិយាល័យ ក៏ជាប្រភពសាយភាយ មេរោគដ៏ខ្លាំងដូចគ្នា...។
- កា រអង្គុយនៅក្នុងកន្លែងរួមគ្នា ជាមួយមិត្ត រួមការពារ ដែលមានអាការក្អក កណ្តាស់ ហៀរ-សំបោរ គួរតែណែនាំឱ្យមិត្តសម្រាកនៅផ្ទះល្អជាង។ ប៉ុន្តែ ប្រសិនបើមិនអាចធ្វើបាន គួរណែនាំឱ្យមិត្ត ភក្តិពាក់ម៉ាសក៍ អនាម័យបិទមាត់ ដើម្បីកុំឱ្យមេរោគគ្រុន ផ្តាសាយរាលដាលដល់អ្នកជិតខាង ប៉ុន្តែ ត្រូវឱ្យអ្នកដែលជិតស្និទ្ធិទៅខ្សឹបប្រាប់ ដើម្បីកុំឱ្យជា ការខូចអារម្មណ៍ចំពោះគ្នា។
- ករណីដែលត្រូវអង្គុយប្រជុំ ឬធ្វើការរួមបន្ទប់ ជាមួយអ្នកមិនស្រួលខ្លួន ព្យាយាមចៀសវាងការ អង្គុយទល់មុខគ្នា ទើបមិនទទួលដង្ហើមគ្នាដោយ ផ្ទាល់ និងការចៀសវាងទិសរបស់ទឹកសំបោរ ឬ ទឹកមាត់ ដែលអាចខ្ទាតដាក់ពីការក្អក និងកណ្តាស់។ បើអាចទៅរួច គួរជ្រើសអង្គុយជជែកនៅកន្លែងដែល ស្រឡះ និងមានខ្យល់អាកាសចេញចូលល្អបំផុត។
- តាមមារយាទផ្នែកសង្គម ការញីសសំបោរ គួរធ្វើនៅកន្លែងផ្ទាល់ខ្លួន ដូច្នេះ ក្នុងអំឡុងពេលធ្វើការ គួរដើរចេញពីទីកន្លែង ដែលកំពុងអង្គុយធ្វើការ ដើម្បី ទៅចាត់ការធុរៈផ្ទាល់ខ្លួនឱ្យរួចរាល់ ក្នុងកន្លែងស្ងាត់ ដែលគ្មានមនុស្សម្នា ឬក្នុងបន្ទប់ទឹកក៏បាន ទើបអ្នក ដទៃមិនស្អប់ខ្ពើមរអើបអ្នក ដែលចំណុចនេះ គួរបាន ទទួលការផ្សព្វផ្សាយពីអ្នកគ្រប់គ្រងក្រុមហ៊ុន។
No comments:
Post a Comment