 កុំព្យូទ័រ Mac ជាង ៦០០ ០០០ គ្រឿងរងគ្រោះដោយមេរោគ FlashBack តាមមតិដែលយើងតែងតែនិយាយថា “ផលិតផល Macs ទាំងអស់គ្មានមេរោគវាយប្រហារ” នៅពេលនេះវាគឺជា មតិមួយដែលគេលែងទទួលស្គាល់ទៀតហើយ។ តាមពិតទៅពពួកមេរោគ malware របស់ Macs បានវាយលុកមួយរយៈពេលកន្លងទៅហើយ ទើបតែពេលថ្មីៗនេះការវាយប្រហារមានលក្ខណជាទ្រង់ទ្រាយកាន់តែធំ ហើយត្រូវបានគេរកឃើញថាវាបានវាយលុកទៅក្នុងផ្នែកតូចៗហើយ បានបង្កឡើងជាបញ្ហាដ៏ស្មុគស្មាញ។ គេបានរកឃើញថាពពួក trojan horse ក៏កំពុងតែវាយប្រហារលើកុំព្យូទ័រ Mac ប្រមាណជាជាង ៦០០ ០០០គ្រឿងនៅទូទាំងពិភពលោក ក្នុងខណៈពេលដែលពួក Hackers កំពុងតែបាញ់តម្រង់គោលដៅទៅលើ Windows Pcs,យ៉ាងសកម្ម។ តាមរយៈកម្មវិធីកម្ចាត់មេរោគរបស់រុស្សី ដែលមានឈ្មោះថា Dr. Web បានរកឃើញថាមានមេរោគ malware មួយឈ្មោះ BackDoor.Flashback.39 គឺកំពុងតែវាយប្រហារលើម៉ាស៊ីនកុំព្យូទ័រ Mac ទាំងនោះ។ មេរោគ Trojan នេះមានសមត្ថភាពប្រើប្រាស់នូវចំនុចខ្សោយរបស់ Java ដើម្បីចាប់យកនូវ លេខកូដសម្ងាត់ និងទិន្នន័យសម្ងាត់ផ្សេងទៀត ហើយធ្វើការបញ្ជូនព័ត៌មានទាំងនោះត្រឡប់ទៅកាន់ បុគ្គលណាម្នាក់ ឬក្រុមដែលបង្កើតវាឡើង។  អ្នកជំនាញនៅ F-Secure បានប្រកាសជាសាធារណៈនូវវិធីសាស្ត្រដើម្បីជួយដល់អតិថិជន Mac ដែលបានទទួលរងគ្រោះ ក៏ដូចជាអ្នកដែលមិនទាន់មានបញ្ហាផងដែរ៕ |
Sunday, April 8, 2012
កុំព្យូទ័រ Mac ជាង ៦០០ ០០០ គ្រឿងរងគ្រោះដោយមេរោគ FlashBack Popzone News | Technology
កុំព្យូទ័រ Mac ជាង ៦០០ ០០០ គ្រឿងរងគ្រោះដោយមេរោគ FlashBack Popzone News | Technology
Subscribe to:
Post Comments (Atom)
No comments:
Post a Comment