ប្រសិនបើអ្នកមានទម្លាប់ទទួលទានថ្នាំភ្លាម គេងភ្លាម អ្នកគួរបញ្ឈប់ទម្លាប់នេះ ព្រោះអ្នកស្រាវជ្រាវ បានធ្វើការបកស្រាយឱ្យដឹងថា វាអាចបណ្តាលឱ្យមានគ្រោះថ្នាក់ រហូតដល់ស្លាប់បាន។
ការទទួលទានថ្នាំភ្លាម គេងភ្លាម អាចធ្វើឱ្យថ្នាំ ស្ថិតនៅត្រង់បំពង់អាហារ វានឹង ធ្វើឱ្យបំពង់អាហារដំបៅ ហើយនៅពេលមានដំបៅកាន់តែច្រើន ធ្វើឱ្យអ្នកចាប់ផ្តើមមានអារម្មណ៍ក្តៅណែនដើមទ្រូង។
អាការបែបនេះ កើតឡើងដោយសារការទទួលទានថ្នាំ ២ប្រភេទ គឺថ្នាំដែលមានជាតិអាស៊ីដ ប្រភេទវីតាមីន C និងថ្នាំពពួកគ្រាប់ទន់ៗ ធ្វើឱ្យ ស្អិតជាប់នឹងបំពង់អាហារ។
ចំពោះវិធីងាយៗ ដើម្បីកុំឱ្យថ្នាំស្អិតជាប់នឹងបំពង់អាហារ គឺអ្នកត្រូវទទួលទានទឹក តាមក្រោយ ឱ្យបានច្រើន និងរង់ចាំប្រហែលកន្លះម៉ោង ជាមុនសិន សឹមគេង ដើម្បីឱ្យ ថ្នាំដែលអ្នកទទួលទាន អាចចូលអស់ទៅក្នុងក្រពះ និងមិនស្អិតជាប់បំពង់អាហារ។
ម៉្យាងទៀត ចំពោះអ្នកដែលកើតជំងឺអាស៊ីដហូរច្រាល ប្រសិនបើថ្នាំស្អិតនៅជាប់បំពង់អាហារ វាអាចបណ្តាលឱ្យបំពង់អាហារ កើតដំបៅ ហើយប្រសិនបើបណ្តោយ ទុកយូរ វាអាចបង្កឱ្យក្លាយជាជំងឺមហារីក នាពេលខាងមុខ។
ក្រៅពីនេះ អ្នកអាចលេបថ្នាំ ដោយប្រើទឹកក្តៅ ឬទឹកត្រជាក់ក៏បាន ប៉ុន្តែ ចៀសវាង ទទួលទានជាមួយទឹកផ្លែឈើ ពពួកក្រូច ព្រោះវាធ្វើឱ្យថ្នាំ ឆាប់រលាយពេក តាំងពីនៅ- ក្នុងមាត់ ធ្វើឱ្យក្រពះ មិនបានរំលាយ ជាហេតុធ្វើឱ្យការព្យាបាល មិនបានទទួលលទ្ធផល និងធ្វើឱ្យជាតិថ្នាំ ជ្រាបចូលក្នុងខ្លួនមិនបានល្អថែមទៀត។
ចំពោះការទទួលទានថ្នាំជាមួយទឹកដោះគោ អ្នកអាចទទួលទានបាន ប៉ុន្តែមានករណីលើកលែងជាមួយនឹងប្រភេទថ្នាំមួយចំនួន ដូចជា ថ្នាំសម្លាប់មេរោគ ឬថ្នាំព្យា- បាលមុន ជាដើម។
ប្រសិនបើជាប្រភេទថ្នាំព្យាបាលជំងឺតែមួយ ប៉ុន្តែ មានតាំងពីប្រភេទគ្រាប់ ប្រភេទទឹក ជាដើម អ្នកគួរទទួលទានថ្នាំប្រភេទ គ្រាប់ ព្រោះជាតិថ្នាំ នឹងបញ្ចោញប្រសិទ្ធ- ភាពជាងថ្នាំប្រភេទទឹក ឬប្រភេទចាក់ ដទៃៗទៀត។
No comments:
Post a Comment