ការសម្ភាសន៍ ការងារដែលអ្នកចង់ធ្វើអាចផ្តល់ទាំងអារម្មណ៍រំភើបនិង ភ័យ។ ប៉ុន្តែ មានវិធីសាស្ត្រមួយចំនួនដែលអាចជួយរក្សាអារម្មណ៍របស់អ្នក ហើយធ្វើឱ្យអ្នកប្រព្រឹត្តបានល្អបំផុតក្នុងពេលសម្ភាសន៍។ ការសម្ភាសន៍ការងារអាចជួយឱ្យអ្នកទទួលបានការងារនោះ ដូច្នេះហើយវាគឺជារឿងសំខាន់ដែលអ្នកត្រូវដើរចូលទៅសម្ភាសន៍ រាល់ពេលជាមួយនឹងអារម្មណ៍នៃភាពជឿជាក់និងការត្រៀមខ្លួនរួចរាល់។
ការស្រាវជ្រាវមុនពេលសម្ភាសន៍
ការដឹងពីរបៀបនិងអ្វី ដែលត្រូវស្រាវជ្រាវក្នុងរយៈពេលមុនថ្ងៃទៅសម្ភាសន៍អាចជួយអ្នកឱ្យ ធ្វើបានល្អនៅពេលដែលអ្នកដើរចូលទៅកន្លែងសម្ភាសន៍។ ចូរចំណាយពេលប៉ុន្មានម៉ោងទៅលើគេហទំព័ររបស់ក្រុមហ៊ុនដែលអ្នក នឹងត្រូវសម្ភាសន៍។ សិក្សាពីឱ្យច្បាស់ពីដែលក្រុមហ៊ុនថាតើក្រុមហ៊ុននេះធ្វើអ្វីខ្លះ នរណាខ្លះជាអតិថិជនរបស់វា និងមើលព័ត៌មានថ្មីៗដែលពួកគេអាចនឹងដាក់បង្ហាញក្នុងគេហទំព័ររបស់ ពួកគេ។ វាប្រហែលជាមានប្រយោជន៍ដល់អ្នកក្នុងការបង្កើតរចនាសម្ព័ន្ធ ឋានានុក្រមរបស់ក្រុមហ៊ុន និងឋានៈនៃការងារដែលអ្នកនឹងសម្ភាសន៍នៅក្នុងរចនាសម្ព័ន្ធនោះ។ បន្ថែមពីលើនេះទៀត ការធ្វើការស្រាវជ្រាវទូទៅលើអ៊ីនធើរណេតពីក្រុមហ៊ុននោះអាចជួយ ផ្តល់ព័ត៌មានឬដំណឹងផ្សេងៗដែលមិនមាននៅក្នុងគេហទំព័ររបស់ក្រុមហ៊ុន ។ ការប្រើប្រាស់ព័ត៌មានទាំងនេះនៅក្នុងពេលសម្ភាសន៍ ដើម្បីឆ្លើយនឹងសំណួរដែលទាក់ទងទៅនឹងហេតុអ្វីបានជាអ្នកចង់ធ្វើការ នៅក្នុងក្រុមហ៊ុននោះ នឹងជួយបង្ហាញអ្នកសម្ភាសន៍របស់អ្នកថា អ្នកពិតជាប្រាកដប្រជាជាមួយនឹងការងារនេះ។
សំណួរពេលសម្ភាសន៍
ប្រើការស្រាវជ្រាវមុនពេល សម្ភាសន៍របស់អ្នកដើម្បីបង្កើតសំណួរមួយចំនួនសម្រាប់សួរអ្នក សម្ភាសន៍របស់អ្នក។ ការសួរសំណួរបង្ហាញថាអ្នកពិតជាចាប់អារម្មណ៍នឹងការងារក៏ដូចជា ក្រុមហ៊ុនផងដែរ។ ប្រភេទសំណួរមួយចំនួនដែលអ្នកគួរពិចារណាដើម្បីបង្កើតគឺសំណួរដែល ទាក់ទងទៅនឹងព័ត៌មានផលិតផលរបស់ក្រុមហ៊ុន ព័ត៌មានសហគ្រាស ឬគោលបំណងទៅថ្ងៃអនាគតរបស់ក្រុមហ៊ុន។ អ្នកក៏អាចសួរពីការរីកចម្រើនរបស់បុគ្គលនៅពេលដែលធ្វើការក្នុង ក្រុមហ៊ុនផងដែរ។
បទពិសោធន៍ដែលទាក់ទង
មុនពេលសម្ភាសន៍ អ្នកគួរសិក្សាពីប្រវត្តិរូបសង្ខេបរបស់អ្នក និងសិក្សាឡើងវិញពីបទពិសោធន៍ពីមុនរបស់អ្នក ដែលទាក់ទងទៅនឹងការងារដែលអ្នកនឹងត្រូវសម្ភាសន៍។ អ្នកដឹងពីប្រវត្តិរូបសង្ខេបរបស់អ្នកកាន់តែច្បាស់ អ្នកកាន់តែអាចឆ្លើយនឹងសំណួរពិបាកដែលអាចមាននៅក្នុងពេលសម្ភាសន៍ កាន់តែល្អ។ ការអាចគិតបានលឿនក្នុងពេលសម្ភាសន៍ គឺជាជំនាញដ៏សំខាន់មួយ ព្រោះអ្នកមិនដឹងថាអ្នកនឹងត្រូវគេសួរសំណួរអ្វីខ្លះនោះទេ។ ការដឹងច្បាស់ពីបទពិសោធន៍ការងាររបស់អ្នកពីមុននឹងជួយអ្នកក្នុង ការបង្កើតជំនាញមួយនេះ។
No comments:
Post a Comment