 ហ្គេមកុំព្យូទ័រប៉ះពាល់ក្មេងៗ ក្រុមគ្រូបង្រៀននៅប្រទេសអង់គ្លេស បានព្រមានកាលពីថ្ងៃពុធម្សិលមិញថា កុមារជាច្រើនមានការងងុយដេកខ្លាំងនៅសាលារៀន ដោយសារតែពួកគេលេងហ្គេមកុំព្យូទ័ររហូតដល់យប់ជ្រៅ។ សាស្រ្ដាចារ្យ រីឆាត ហ្គ្រីបបល (Richard Gribble) បាននិយាយថា ក្មេងៗដែលមានអាយុក្រោម ១០ឆ្នាំ ជាច្រើន បានញៀននឹងការលេងហ្គេម ដែលធ្វើឲ្យពួកគេហត់នឿយ ហើយគេងលក់នៅពេលកំពុងរៀន។ គាត់បានរកឃើញថា មានសិស្សរបស់គាត់ប្រមាណ ៣ភាគ៤ បានលេងហ្គេមរៀងរាល់យប់ ហើយសិស្សប្រមាណ ១ភាគ៣ ទៀតលេងមុនពេលមកសាលា។ សាស្រ្ដាចារ្យដដែលនេះបានបង្ហាញនូវការបារម្ភរបស់គាត់ចំពោះបញ្ហា នេះ នៅក្នុងព្រឹត្តបត្ររបស់សាលា ផ្ញើទៅឪពុកម្ដាយរបស់សិស្សចំនួន ៦០០នាក់នៅសាលាបឋមសិក្សា Widey Court ស្ថិតនៅទីក្រុង Plymouth។ គាត់បានសរសេរថា បុគ្គលិករបស់សាលា បានឃើញពីកំណើនសិស្សដែលគេងនៅយប់ជ្រៅ ងងុយគេងពេលនៅក្នុងថ្នាក់ គ្មានលទ្ធភាពនឹងយកចិត្តទុកដាក់រៀន ហើយតែងតែជជែកគ្នាអំពីបញ្ហាហ្គេមនៅម៉ោងរៀន។ អ្នកស្រី សារ៉ា ម៉ាយដេន (Sarah Maiden) ដែលជាអ្នកប្រឹក្សាយោបល់ជាមួយឪពុកម្ដាយសិស្ស បាននិយាយថា មានសិស្សខ្លះបានចំណាយពេលរហូតដល់ទៅ ៤០ម៉ោង ក្នុងមួយសប្ដាហ៍ក្នុងការលេងហ្គេម។ គាត់បានបន្ថែមទៀតថា សិស្សមួយចំនួនបានលេងហ្គេមរហូតដល់ម៉ោង ៤ទៀបភ្លឺ ហើយឪពុកម្ដាយមិនបានដឹងអំពីបញ្ហានេះទេ។ ឪពុកម្ដាយរបស់សិស្សទាំងនោះ គួរតែតាមដានកូនឲ្យបានម៉ត់ចត់ជាងនេះ។ លោក George Muirhead ប្រធានសមាគមគ្រូបង្រៀនកម្រិតបឋមប្រចាំ អង់គ្លេស ក៏បានបង្ហាញពីក្ដីបារម្ភរបស់លោកថា ក្មេងទាំងនោះមិនត្រឹមតែមានការនឿយហត់នឹងការលេងហ្គេមទាំងនោះ ទេ ប៉ុន្តែថែមទាំងអាចឲ្យពួកគេអនុវត្តតាមហ្គេមដែលបង្ហាញអំពីអំពើ ហិង្សាកាប់ចាក់ទាត់ធាក់ ទាំងនោះទៀតផង។ អាណាព្យាបាលគួរណែនាំកូនអំពីបញ្ហានេះ ហើយត្រួតពិនិត្យនូវម៉ោងចូលគេងរបស់ពួកគេ ៕ |
Tuesday, April 10, 2012
ហ្គេមកុំព្យូទ័រប៉ះពាល់ក្មេងៗ Popzone News | Life & Style
ហ្គេមកុំព្យូទ័រប៉ះពាល់ក្មេងៗ Popzone News | Life & Style
Subscribe to:
Post Comments (Atom)
No comments:
Post a Comment